Bizkaiko Aparailari eta arkitekto teknikoen elkargo ofiziala

Menuan sartu

Bilatzailea :

Menura itzuli

Hemen zaude:
Elkargoa
Antolamendu Profesionala

Antolamendu Profesionala

KONTSEILU NAGUSIA

Arkitektura Teknikoaren Kontseilu Nagusiak Aparejadore eta Arkitekto Teknikoen Elkargo guztiak biltzen ditu eta lanbidearen ordezkaritza dagokio estatu eta nazioarte mailan. Bere organo gorena Batzar Nagusia da, Kontseiluko Presidenteak eta Elkargoetako Lehendakariek osatzen dutena. Batzar honetan, hitzarekin baina botorik gabe, kontseilariak ez diren Gobernu Batzordeko kideek ere parte hartzen dute eta Kontseilu Autonomikoetako Lehendakariek eta PREMAAT eta MUSAAT-ekoak ere bai. Bere organo betearazlea Gobernu Batzordea da eta ondokoek osatzen dute: Kontseiluko Presidentea eta sei kide. Hauen artean Presidenteordea, Idazkari Nagusia eta Diruzain-Kontularia izendatzen dira.

HNA-PREMAAT ETA MUSAAT ASEGURU-ETXEAK

Ondoko aseguru-etxeak lotzen zaizkio organizazio profesionalari: aurreikuspen sozialeko mutualitatea, PREMAAT eta prima finkoko aseguruen mutua, MUSAAT.

PREMAAT (Aparejadoreen Aurreikuspen Mutualitatea), 1944ko ekainean sortu zen. Aseguru-etxe bat da, Gizarte Segurantzaren sistema publikoaren alternatiba gisa dihardu eta, besteak beste, erretiro, elbarritasun eta heriotzarengatiko prestazioak ematen ditu.

MUSAAT, Prima Finkoko Aseguruen Mutualitatea, 1983ko maiatzaren 28an sortu zen Aparejadore eta Arkitekto Teknikoen erantzukizun zibileko aseguruak egiteko. Gerora, bere jarduera zabalduz joan da beste aseguru mota batzuekin (Istripuak, Eraikuntzarako Arrisku Orotako aseguruak, e.a.), horien artean Kalteen Hamar Urteroko Asegurua nabarmendu behar da, Eraikuntza Antolatzeko Legean ezarritakoa.

EUSKADI, NAFARROA ETA ERRIOXAKO ELKARGOEN ELKARTEA

Bizkaiko Aparailari eta Arkitekto Teknikoen Elkargo Ofiziala Euskal Herriko eta Errioxako Elkargo-taldeko partaidea da. Erakunde honek ez du nortasun juridikorik, eta Bizkaiko elkargoaz gainera, Arabako, Gipuzkoako, Nafarroako eta Errioxako Elkargoek ere osatzen dute. Taldeak maiz egiten ditu bilerak eta honek errazten du Elkargoetako ordezkarien arteko hurbiltasuna eta haietako bakoitzak egiten dituen jarduerak komunean jartzeko bidea ematen du. Era berean, Elkargo-taldeak presentzia sendoa dauka erakundeetan. Horregatik, taldekideek jardunbide bateratua izan dezakete elkargoa baino gorago dauden erakundeetan.